අපි කවුද ?........
ඉරගල වැටෙන යාමයට
පිබිදිලා හැමදාම
දුවනවා ජිවිතේ සැනසීම හොයාගෙන
කොන්ක්රීට් වනාන්තර
මුළු නගරේ පුරාවට
ඒ දිහා බල බලා
අපි යන්නේ හැමදාම
සතුට සැනසුම කොහෙද
පැතුම් ඉටු වෙනවාද
අරමුණක් හදාගෙන
දුවනවා හැමදාම
විටෙක කදුලැලි මතින්
විටෙක හසරැල් මතින්
තවත් හිස්තැන් මතින්
කාලයට හරි බයෙන්
දුවනවා හැමදාම
ජිවිතේ හරි අරුත
අපට වැටහෙනවාද
එහෙම නැතිනම් තවත්
මිරිගුවම දකිනවද
ඉර අහසේ ගිලෙනකොට
දවස නිමවෙනවාද
එත් අපි දුවන එක
නවත්තල තියෙනවද
දුව දුවා ජිවිතේ
සතුට සැනසුම හොයන
හති වැටි එක් දිනක
සෝ සුසුම් වගුරුවන
ජිවිතේ හදුනගෙන
හති වැටුන දවසකට
හොදින් තේරුම් යාවි
ඇත්තටම අපි කවුද ......
No comments:
Post a Comment